TOP

Газета «Эҥсиэли»

Нам улууһун тыатын хаһаайыстыбатын управлениета иһитиннэрбитинэн, Дьокуускайга буолан ааспыт быыстапка-дьаарбаҥкаҕа 35 хаһаайыстыба,  1 ЛПХ киирэн оҥорон таһаарар бородууксуйаларын көрдөрбүттэр, хамаҕатык атыылаабыттар. 12 хаһаайыстыба быыстапкаҕа кыттыбыт.

Нам сэлиэнньэтигэр ааспыт нэдиэлэҕэ баар ас бородуукталарын атыылыыр 10-ча улахан маҕаһыыҥҥа сылдьан бэйэбит улууспут хаһаайыстыбаларыттан тутуллар үүт ас, ынах, сылгы этэ төһө атыыланарын билистим. Сайын кэлэн, сүөһү көҥүл көччүйэн, үүт эбиллибитэ харахха тута быраҕыллар. Төһө да эбиэт кэннэ тиийдэрбин, «Эрэл» ТХПК үүтэ, суората, кефирэ, сүөгэйэ баара. Арай үгүс маҕаһыыннарга Нам этэ-арыыта суоҕа.