Бүлүүгэ тиэргэн таһыттан булчут ыттары күүстэринэн массыынаҕа уктан илдьэ барбыттар


«Олох суола» хаһыат редакциятыгар Бүлүү куорат олохтооҕо Дмитрий Слепцов кэлэ сырытта. «Анаан-минээн иитэ сылдьар атыырдаах-тыһы икки эдэр лайка боруодалаах ытым ууга тааһы бырахпыттыы тиэргэним таһыттан сүтэн хааллылар», — киир кини.


Бүлүүгэ ытын сүтэрбит Дмитрий Слепцов кэпсииринэн, ыттары тиэргэн таһыттан күүстэринэн соһон-сыһан массыынаҕа тиэммит суоллара баар. «Биһиги кырдьаҕас Бүлүүбүтүгэр маннык дьаллыктаах дьон баара буолуо дии санаабат да этим. Арааһа булчуттарга тиксэрэн туһаныахпыт диэн санаабыттара буолуо дуо«, — диэн сонньуйбутун кэпсиир.

Бултуулларыгар анаан ыты ииттэр дьон маннык түгэни сөбүлээбэттэрэ чуолкай. Билигин бу күһүҥҥү булт сезона чугаһаан эрэр кэмигэр, бары булчуттар ээр-сэмээр хайдах-ханна сылдьыахтаахтарын торумнаан, кыралаан бэлэмнэнэн эрдэхтэрэ. «Ыттарым төһө да хааннара үчүгэйин иһин, атын хаһаайыҥҥа тиийэн кыахтарын толору биэрэн туһалыахтара дии санаабаппын. Үчүгэй ыт төрүөҕүттэн бэйэтин хаһаайыныгар эрэ бас бэринэр. Бары билэбит, ыт дьиэ кыылларыттан саамай өйдөөхтөрө, киһиэхэ эрэллээх доҕор диэн«, — диэн санаатын этэр Дмитрий Слепцов.

Хаһаайын ыттарын баҕар ким эрэ ханна эрэ бааллан дуу, хаайыллан дуу туралларын көрдөҕүнэ, улуус хаһыатын нөҥүө биллэрэригэр көрдөһөр.

Ааптар: «Олох суола» хаһыат

Оставьте комментарий

Яндекс.Метрика Top.Mail.Ru