Главное

Госдума прописала цивилизованные правила обращения с животными
Вести Якутии fiber_manual_record26 минут назад fiber_manual_recordremove_red_eye 4

17-№дээх оскуолаҕа Олоҥхо декадата “Саханы үрдэтиэ Олоҥхо”

Вести Якутии fiber_manual_record03 декабря 2018 fiber_manual_recordremove_red_eye 34
Олоҥхо декадатын чэрчитинэн оскуола иһигэр кылаас чаастара, викторина, араас күрэхтэр ыытылыннылар. Алын сүһүөх оҕолоругар «Эрчимнээх Элэстэй Бэргэн» диэн «Дьоллоох оҕо саас» куукла театра туруоруутун көрдөрдө. Орто сүһүөх оҕолоро П.А.Ойуунускай «Улуу Кудаҥса» айымньытыгар олоҕурбут спектакльга Опера уонна балет театырыгар сырыттылар.

Сэтинньи 23 күнүгэр 17-№дээх оскуолаҕа үгэс буолбут Олоҥхо декадата “Саханы үрдэтиэ Олоҥхо” диэн үөрүүлээх линейканан түмүктэннэ. Өрөгөйдөөх тэрээһиҥҥэ саха кылаастарын үөрэнээччилэрэ, уһуйааччылар уонна ыалдьыттар кыттыыны ыллылар.

Үөрүүлээх линейканы   “Алтын гунеш” аан-дойдутааҕы фестиваал кыайыылаахтара 4 «в» кылаас үөрэнээччилэрэ Трифонов Вася уонна Степанов Вася барабаан тыаһынан арыйдылар.

10 “г” кылаас үөрэнээччилэрэ Иннокентий Давыдов суруйбут “Тойон Ньургун” Олоҥхоттон быһа тардан толоруулара оҕолору, көрөөччүлэри үөртэ, солистаата Арина Скрябина. Бу үөрүүлээх күҥҥэ Саха тылын уонна култууратын Институутун 4-с куурус устудьуона  Хаарчаана Семенова “Хабыр киирсиилээх Хабытта Бэргэн” Олоҥхоттон быһа тардан толорон тэрээһини киэргэттэ, оҕо-аймах биһирэбилин ылла.

Олоҥхо – Саха норуотун тылынан уус – уран айымньытын саамай үрдүк чыпчаала, үйэттэн үйэлэр тухары колүөнэттэн көлүөнэҕэ бэриллэн испит дириҥ ис хоһоонноох айымньыта буоларын өйдөөн туран үүнэр көлүөнэҕэ тиэрдэн иһиэхтээхпит.

Сэтинньи 30 күнэ 2011 сыллаахха Саха сиригэр Хомус күнүнэн биллэриллибитэ.   Бу кун 17-с оскуола үөрэнээччилэрэ, уһуйааччылара, ыалдьаттар үгэс буолбут “Эн дьиэрэй, этигэн хомуспут” диэн үөрүүлээх линейкаҕа муһуннулар. Үөрүүлээх линейканы оскуола иһинэн үлэлиир  “Северное сияние” ансаамбыл “Хомус» үҥкүүтүнэн арыйда. Тэрээһини быйыл Кореяҕа ыытыллыбыт аан-дойдутааҕы фестиваал лауреаттара 4 “г” кылаас үөрэнээччилэрэ – “Талбан” ансаамбыл хомуска, барабааҥҥа оонньоон киэргэттилэр. Үөрүүлээх күнүнэн соторутааҕыта Сочи куоракка ыытыллыбыт аан-дойдутааҕы «Akvatemp» фестиваал кыайыылаахтара 9 «в» кылаас оҕолоро фольклорнай толоруунан эҕэрдэлээтилэр. Бу күн 17-с оскуола оҕолоругар хомус алыптаах тыаһын бэлэхтээтэ хомусчут-импровизатор Эркин Алексеев. Линейка түмүгэр бары мустубут оҕолор, учууталлар  Саха төрүт оһуохайын биир киһи курдук хомуһунан таһаардылар.

 

Хатылыкова В.В.

Так как ты здесь ...
... у нас есть небольшая просьба. Всё больше людей читают «Вести Якутии», но доходы от рекламы в изданиях быстро падают. Мы хотим оставаться независимым изданием от финансовой и политической цензуры, работать с лучшими журналистами-расследователями, которые стоят на страже ваших прав. Готовить новые интересные программы и рассказывать правдивые новости. Но для всего этого нужны деньги. Мы думаем, вы поймете нас поэтому просим вашей помощи. Независимая журналистика «Вестей Якутии» требует много времени, денег и тяжелой работы для производства. Но мы делаем это, потому что считаем, что наша работа нужна и важна для нашего общества. Если каждый, кто читает наши статьи, кому это нравится, поможет с финансированием «Вестей Якутии», то наше будущее станет намного более интересным. Вы можете поддержать Вести Якутии - и это займет всего минуту. Спасибо.

Сделать вклад:

Теги:
Следите за новостями