TOP

Өлөөн улууһугар Дьэлиҥдэ бөһүөлэгэр арбуз үүннэрэллэр

Дьэлиҥдэ нэһилиэгэр 80-с сыллар ортолоруттан бастакынан теплицаламмыт бэтэрээн оҕуруотчуппут Евдокия Никифоровна Павлова быйыл да үүнүүтэ баһаам.

Орто саастаах ыаллартан чемпион оҕуруотчуттар Маргарита Гаврильевна Егорова кыыһынаан Мариналыын быйыл саҥа теплица туттубуттар. Маргарита Иннокентьевна Иванова кыыһынаан Айнааралыын хаһыс да сылын арбуз үүннэрэн сииллэр. Эдэр ыаллартан Дмитриева Светлана Михайловна оҕурсуута өлгөмнүк үүнэ турар. Евдокия Никифоровна, Ольга Юрьевна Павлова, Лена Прокопьевна Христофорова нэһилиэнньэҕэ атыылаан олохтоох оҕурсууну сии олороллор.

Сайыммыт өссө да тура түстэр диэн халлааны кэтиибит. Хайа диэккиттэн тыал кэлэрин маныыбыт – хотуттан буоллаҕына оһох оттунабыт, теплица бүрүнэбит, уу сылыттабыт. Бу бүгүн илинтэн тыал кэлэн буруо бөҕө, айылҕа барахсан көрүнэн ардаан умуруорар ини диэн көрдөһө-эрэнэ күүтэбит.

Ааптар: Айталина ХРИСТОФОРОВА.

Комментарии

Пожалуйста, авторизуйтесь чтобы добавить комментарий.
avatar