TOP

Амма улууһугар самолет сырыыта саҕаланыа

Бэрэбиэркэ түмүгүнэн «Полярные Авиалинии» хампаанньа көтүү куттала суох буоларын хааччыйар инспиэктэрэ Вадим Карпов былаһаакка туругун үчүгэйинэн сыаналаата. Анал бэлиэлэр, тыал хайдах үрэрин көрдөрөр тэриллэр оннуларыгар тураллар. Вадим Степанович ирдэбил быһыытынан самолет түһэр сирэ хайаан да күрүөлэниэхтээҕин ыйда, сылгы-сүөһү сылдьыа суохтаах.


Хампаанньа коммерческай дириэктэрин солбуйааччы Ньургустана Атласова Амма — Маҕан — Амма маршрутунан бастакы сырыы бэс 11 күнүттэн саҕаланыа диэн эрэннэрдэ. Иккилэригэр диэри саастаах оҕолорго билиэт босхо, улахаттарга биир өттүгэр 3500 солкуобай.

«Полярные Авиалинии» бэрэстэбиитэллэрэ Амма оскуолаларын библиотекаларыгар И.Е. Негенбля «Над безграничной Артикой» икки туомунан тахсыбыт кинигэтин бэлэх ууннулар, дьаһалта үлэһиттэригэр махтаннылар.
Бу көрсүһүү Амма улууһугар халлаан суола сайдыытыгар биир саҥа үктэл буолуо диэн эрэнэбит.

Ааптар: Наталья Бубякина.

Комментарии

Пожалуйста, авторизуйтесь чтобы добавить комментарий.
avatar