TOP

Ньурбаҕа Хатыҥ Сыһыыга Оҕо көмүскэлин күнүгэр кус миининэн күндүлээтилэр

А.А.Моргусов аатынан «Талба» норуот айымньытын дьиэтин тэлгэһэтэ оҕо- аймах саҥатынан толору. Ырыа-тойук, атыы-тутуу, күрэхтэр, аралдьытыылар тиһигин быспакка ыытылланнар олус интэриэһинэй күн ааста.

Булчут эр бэртэрэ баай Байанай кэһиититтэн элбэх оҕолоох ыалларга, Марха балыыһатыгар сытар ыарыһахтарга, Хатыҥ Сыһыыны баһаартан быыһыыр сулууспаҕа дьуһуурустубаҕа олорор байыастарга түҥэттилэр.

Дьону-сэргэни үөрдүбүт, эмис кустары бу күҥҥэ анаан күндүлээбит Хатыҥ Сыһыы булчут эр хоһууттарыгар махтанабын уонна байанайгыт өрүү тосхойо, Аар Айылҕа маанылаах булдуттан бэрсэ турдун диэн алгыспын тиэрдэбин.

Ааптар: Анна Антонова.

Комментарии

Пожалуйста, авторизуйтесь чтобы добавить комментарий.
avatar