Главное

В Якутске пройдет III международный кочующий фестиваль этнической моды «Солнечный олень»
Вести Якутии fiber_manual_record15 часов назад fiber_manual_recordremove_red_eye 11

Бүлүү олоххо көхтөөх дьоно кырачааннары өйүүллэр

Вести Якутии fiber_manual_record30 апреля 2018 fiber_manual_recordremove_red_eye 58

В.О.Каратаев аатынан Олоҥхо культурнай-этнографическай киин дириэктэрэ Тамара Прокопьевна Степанова «Вилюйск доброжелательный детям» диэн аһымал акциятын саҕалаата. Акция «Кэнчээри» оҕолору реабилитациялыыр киин иитиллээччилэригэр ананар.

«Вилюйск доброжелательный детям» диэн социальнай суолталаах бырайыак 2009 сылтан өрөспүүбүлүкэтээҕи «Утум» уопсастыбаннай түмсүү Бүлүү улууһунааҕы филиалын дириэктэрэ, Бүлүү улууһун уопсастыбаннай түмсүүлэрин координатора Мария Петровна Томская көҕүлээһининэн тэриллибитэ. Акция чэрчитинэн 800-тэн тахса оҕоҕо, 50-тан тахса дьиэ кэргэҥҥэ көмө оҥоһулунна.

Бүлүү улууһугар 50-тан тахса араас уопсастыбаннай түмсүү үлэлиир, айар-тутар. «Помоги собраться в школу», «Подари Новый год» диэн акциялар сылын аайы олус туһалаахтык ыытыллаллар.

«Вилюйск доброжелательный детям» акцияҕа оҕолорго сүрэхтэрин сылааһын аныы, бэйэлэрин сэмэй бэлэхтэрин туттартыы аҕыс түмсүү мустубут. Ол курдук аһымал акция тэрээһинигэр «Автоледи» (сал. Мария Петровна Томская), «Хаһаайыска» (сал. Светлана Павловна Калачикова), «Леди-Фитнес» (сал. Марианна Николаевна Федорова), «Стимул» (сал. Елена Яковлевна Сивцева), «Алаһа» (сал. Екатерина Герасимовна Алексеева), «Ыллык» (сал. Владимир Спиридонович Николаев) түмсүүлэр, Бүлүү куоратын дьахталларын Сэбиэтэ (сал. Любовь Владимировна Катанова), Бүлүү куоратын хаһаахтарын городовой хамаандата (атаман Георгий Сергеевич Попов) кытыннылар.

«Кэнчээри» сокуоннай саастарын ситэ илик оҕолору реабилитациялыыр киин салайааччытын солбуйааччы Валентина Петровна Егорова бу түмсүүлэр чилиэннэригэр үлэлэригэр ситиһиилэри, олохторугар дьолу, кытаанах доруобуйаны баҕаран туран, махтал суруктары туттартаата.

Аһымал акция ырыа-тойук аргыстаах ыытылынна, ол курдук оҕолорго олоҥхоттон быһа тардыы, алаадьылаах үҥкүү, истиҥ иэйиилээх ырыалар бэлэхтэннилэр. В.О.Каратаев үөрэнээччитэ, тойуксут, олоҥхоһут Зинаида Михайловна Алексеева «Улаатан эрэр оҕоҕо үөрэх-билии» алгыһын «Кэнчээри» оҕолоругар анаан-минээн толордо.

Тэрээһин түмүгэр оҕолорго «Минньигэс остуол» тардылынна. Оҕолор бэлэх тутан, кэнсиэр көрөн, минньигэстик аһаан, олус диэн үөрэн-көтөн, санаалара көтөҕүллэн тарҕастылар. Бүлүү куоратыгар элбэх үтүө санаалаах, аһыныгас дуһалаах дьон бааллар эбит диэн өйдөбүллээх хаалбыттарыгар саарбахтаабаппын.

Ааптар: Изольда Загитова

Так как ты здесь ...
... у нас есть небольшая просьба. Всё больше людей читают «Вести Якутии», но доходы от рекламы в изданиях быстро падают. Мы хотим оставаться независимым изданием от финансовой и политической цензуры, работать с лучшими журналистами-расследователями, которые стоят на страже ваших прав. Готовить новые интересные программы и рассказывать правдивые новости. Но для всего этого нужны деньги. Мы думаем, вы поймете нас поэтому просим вашей помощи. Независимая журналистика «Вестей Якутии» требует много времени, денег и тяжелой работы для производства. Но мы делаем это, потому что считаем, что наша работа нужна и важна для нашего общества. Если каждый, кто читает наши статьи, кому это нравится, поможет с финансированием «Вестей Якутии», то наше будущее станет намного более интересным. Вы можете поддержать Вести Якутии - и это займет всего минуту. Спасибо.

Сделать вклад:

Читайте также
Следите за новостями