Главное

УФСИН направит материалы в суд для перерасчета срока наказаний
Вести Якутии fiber_manual_record15 минут назад fiber_manual_recordremove_red_eye 36

Быдан дьылларга бырастыы…

Вести Якутии fiber_manual_record24 октября 2017 fiber_manual_recordremove_red_eye 478

1950 сыллаахха ыам ыйын бастакы күнүгэр Баатаҕай Үөттээҕэр Игорь Еремеевич Кудрявцев нуучча дьиэ кэргэҥҥэ төрөөбүтэ. Кини 1965 сыллаахтан Чурапчы интернат оскуолатыгар Д.П. Коркин көҥүл тустуутун оскуолатыгар ситиһиилээхтик үөрэммитэ. Көҥүл тустууга Саха республикатын 15 төгүллээх чемпиона. Элбэх улахан кыайыылары ситиспитэ. Көҥүл тустууга ССРС спордун маастара. РСФСР оҕолорго чемпиона, эдэрдэргэ РСФСР хас да төгүллээх призера. Спартак обществоҕа элбэхтэ бастаабыта, миэстэлэспитэ. Хурешка РСФСР спордун маастара. Хурешка Россия хоту омуктарын спартакиадатыгар абсалютнай чемпион.

Саха оҕолорун кытары үөрэммит буолан майгыта, олоххо көрүүтэ сахалыы. Саха оҕолорун кытары түргэнник биир тылы булан тустуу спордугар сүгүрүйэн улааппыта. Тустуу спордун улахан фаната, агитатора саха көҥүл тустуутун улахан күрэхтэһиилэргэ ситиһиилээхтик көмүскээбит сахалар биир чулуу бөҕөспүт этэ. Олус холку сэмэй майгылааҕа.

Кэргэннээх, түөрт оҕолоох, сиэннэрдээх. Икки улахан уолаттара аҕаларын суолунан Чурапчы интернат спортивнай оскуолатыгар үөрэммиттэрэ.

Улаханнык ытыктыыр атаспытын доҕорбутун бииргэ тустубут үөлээннээхтэрэ — умнубаппыт, саныыбыт. Кини дьиэ кэргэттэригэр бииргэ үөрэммит, күрэхтэспит доҕотторун ааттарыттан дириҥ кутурҕаммытын тириэрдэбит уонна кинини тиһэх суолугар атаарбыт тэрилтэлэргэ, аймахтарыгар, доҕотторугар махталбытын тиэрдэбит.

Игорь Еремеевич доҕотторо, атастара.

Читайте также
Следите за новостями